Sonndeg, de 15. Oktober um 14.30 Auer
am Festsall vum Atert-Lycée Réiden
1, rue du Lycée, L-8508 Redange/Attert
D'Journée de la Commémoration nationale gëtt all Joer ëm den Datum vum 10.Oktober gefeiert, den Dag vun der Personenstandsaufnahme vun 1941, wou d'Schicksal vum Land um Spill war: D'Naziën hate fir den 10. Oktober 1941 eng grouss Vollekszielung, déi sou genannte Personenstandsaufnahme geplangt. Domat wollten se d'Lëtzebuerger Populatioun iwwerzeegen, sech an d'Großdeutsche Reich ze mellen. Op deem Formulaire huet jidderee missen säin Numm, Virnumm, Alter, Adress uginn, mee och d’Relioun, d’Nationalitéit, d’Mammesprooch a "d’Rass" aschreiwen.
D'Resistenz hat séier verstane, datt domat d'Lëtzebuerger géife riskéieren hir Onofhängegkeet ze verléieren: Ganz vill Leit hunn d’Uweisunge vun der Resistenz befollegt an dat, obwuel d’Gefor grouss wor, vun den Däitschen identifizéiert ze ginn.
D'Zuel vun deenen, déi 3x Lëtzebuerg op hire Formulaire geschriwwen haten, war esou grouss, datt d‘Vollekszielung vun den Nazien annuléiert gouf. No dëser Erniddregung léisst de Gauleiter 200 Resistenzler festhuelen. Zwee vun hinne ginn am Februar 1942 gekäppt.
Georgette Sheehan-Jacoby 
Gaston Herz
François Theis
Jean Schmit
Jean Watry 
Michel Rodesch
Pierre Trausch
Nicolas Faltz
Shoah
Journée de la mémoire 
Ardennenoffensiv 
Zivil Krichsaffer
