Och dëst Schouljoer war 2CLC nees an de Scienteenslab op d‘Uni Belval.
D‘Schüler:Inne hunn ADN aus Bakterien isoliéiert, déi mat UV-Luucht bestrahlt goufen. Dobäi waren déi eng ouni UV-Schutz, anerer goufen duerch Sonnecrème geschützt. Fir den Effekt vun der UV-Lucht an Wirkung vum Schutz z‘iwwerpréifen, gouf ee bakterielle Gen mat PCR amplifizéiert an d‘Resultat durch eng Gel Elektrophores kontrolléiert. Resultat: UV-Strahlen hunn Mutatiounen ausgeléist an Sonnecrème schützt effektiv! Esou konnten d‘Schüler:Inne gesinn, dass UV-Strahlen ADN schiedegen an ee Schutz immens wichteg ass.
