D’Aktivitéit ‘Studio ALR’ bitt de Schüler eng Geleeënheet fir an de Prozess vun der Produktioun vun engem Film eran ze kucken a selwer mat ze maachen.

teaserStudioALR848x260

MIR…

… berichte mam ALR Report
… produzéieren eng Reklamm,
… produzéieren en Hörlabyrinth fir de Radio ARA
… erweidere den ALR Walkthrough
… schneiden um Computer
… komponéiere Filmmusek
… vertoune Geräischer
… fléien eng Drone

Eise Studio

2014-12-05-ALR_Studio-4623

2014/2015

D'läscht Joer 2014/2015 hu mir vill Iddië verfilmt an awer net ganz editéiert, sou dass mir leider net ganz vill publizéiert hunn. Allerdéngs hate mir d'läscht Joer e riise Projet 'Hänsel & Grethel' bei deem eis ganz Equipe a vill aner Bedeelegter sech prächteg ameséiert hunn. Mir hunn awer net nëmme gelaacht, mä och e Film vun bal 20 Minutte gedréint.

2015/2016

De Studio ALR geet an seng 2te Ronn, an huet sech op d'Kap geschriwwen, méi Produktiounen ze publizéieren. Am Laf vum Joer wäerten dann niewent eise schon traditionnellen ALR Report Sendungen eng hallef Dosen witzeg Filmecher iwwert Departementer vum ALR erauskommen, dann e puer Kuurzfilmecher, eng Reklamm, ...

Wat produzéiere mir?

Mir probéieren, wann d'Zäit eis et erlabt (Zäit fir méi..) ëmmer wann eppes am ALR leeft en ALR Report ze maachen. Och wann dir eppes besonneches ënnerhuelt kënnt dir eis froen fir filmen ze kommen.

Den Alr Report iwwert de Chrëschtmaart war schon deen 24ten!

Mir hunn am Oktober e Werbeclip fir d'Formatioun EQ-Techniker publizéiert.

Eng ganz Rei Dokumentatiounen goufen och scho vum Loïc Beurlet an Ivo Trausch, 2 Schüler déi mëttlerweil d'1e bei eis ofgeschloss hunn an dem ALR Äddi gesot hunn.

Zum Beispiel d'Visite vum Minister Claude Meisch am ALR, oder e Reportage iwwert d'Biogas Anlag zu Réiden.

E Kurzfilm produzéieren bedeiten fir d'Team eng ganz aner Aarbechtsphilosophie wéi Dokumentarfilmer oder ALR Reports. Hei muss richteg vill preparéiert ginn am Virfeld (Skript, Storyboards).

Ganz stolz si mir iwwert eist Märchen, wat am Summer 2015 gedréint an editéiert gouf.

Net ze vergiessen de witzege Making dovunner.

Dëst Joer hu mir d'Equipe rodéiert mat engem ganz kuurze Kurzfilm;-)

Mir kruten vum RADIO ARA en Optrag fir en Hörlabyrinth ze produzéieren. Dëst Hörlabyrinth gëtt am Kader vun der Reouverture vun dem Gebai vum Radio ARA den 8. Mai 2016 dem Publikum präsentéiert. Mir erfannen déi komplett Geschicht, schreiwen de gesamte Skript, huelen d'Hörspill op a proposéieren en Opbau vum Labyrinth.

Noom 8. Mai krute mir nëmme positive Feedback. Hei dann och eist Hörspill, wat mir elo kënnen online setzen.

 

Mir hu bis elo 2 Pubs gedréint. Allen 2 am Mai - Juni 2016 a just irun der grousser Vakanz editéiert. Ok, mir ware net ganz fäerdeg ginn, an hun de Räscht dann am September gemaach.


 

Eist Material

  • Semi-professionnell HD-Kameraen
  • Studio mat Greenscreen a 6 PCs mat Adobe CC
  • Headsets, Kravattemikroë
  • Pro Tools fir Toun Opnamen
  • Action cam: GoPro3 
  • Drone: Phantom 2
  • Steadycam

Eis Equipe 2014/2015 an Aktioun

2014-11-07-ALR_Studio-4621

Lénks en ALR Report wou vill mat eiser Action Cam gefilmt gouf.

Ab 3:30 wou de Laf ufänkt, ass eis 180Grad Kamera an Aktioun.

Dann ënnendrënner, nach e puer Impressioune vum  Joer 2014/2015

 

 

 

E puer Abléck an eis Dréiarbchten

Hei dann nach eis Brochure mat däer mir wëlle weider Schüler fir eis Aktivitéit begeeschteren. 

ALR-Studio-Pub-A4-150dpi

Benotz dess Kaart

Xploret

WebUntis / Livre de classe électronique

mini teaser bicher

10 Joer ALR

Logo 10 joer teaser

Menu du jour

Vacances et congés scolaires

Transport scolaire

TagCloud